Himalay dağlarında itkin düşən turist cütlükdən 21 yaşlı tayvanlı həvəskar alpinist 47 gün sonra tapıldı.

Xilasetmə briqadaları Liang Sheng Yuehi təxminən 2600 metr hündürlükdə yerləşən bir dərədə tapıblar.

Lianqın yanındakı 19 yaşlı sevgilisi Liu Chen Chun isə üç gün əvvəl həyatını itirib.

Liang hazırda Nepalın Katmandu şəhərində Grandee Beynəlxalq Xəstəxanasında müalicə alır. Həkimlər həyati təhlükəsinin olmadığını deyib.

Su içib, duz yeyərək həyatda qaldığını deyən Liang 47 gündə 30 kilo çəki itirib.