KANAL24.AZ
Az Iw En Ru

Qocalmağın qarşısını almaq üçün MƏSLƏHƏTLƏR

Qocalığın qarşısını necə almaq olar? Bir çox insanları belə sual maraqlandırır. Orqanizmin, dərinin, saçların və bədənin qocalmasının qarşısını almaq, gəncliyi uzatmaq üçün bir çox üsullar mövcuddur.
 
Həmin üsulların bəzilərini təqdim edirik:
 
1. Gündəlik rasiona kalsi daxil etmək
 
Kalsi sümükləri möhkəmləndirir, güc və sağlamlıq verir. Alimlər iddia edirlər ki, 30 yaşa qədər insanın sümükləri möhkəmlənir. Bu səbəbdən də prosesə yardımçı olmaq üçün kifayət qədər kalsi qəbul etmək lazımdır. Ən yaxşısı süd və əlavəsiz, təbii süd məhsulları qəbul etməkdir.
 
2. Üz dərisini Günəş şüalarından qorumaq
 
Bu üsul sürücülər üçün daha önəmlidir. Elmi cəhətdən təsdiq olunub ki, sürücülərin üzlərinin sol tərəfləri sağ tərəflə müqayisədə daha tez qocalır. Bu da Günəş şüalarının mənfi təsirləri ilə əlaqədardır. Günəş şüalarından qoruyan kremlərdən istifadə vacibdir. Bundan başqa, dəriyə daim birbaşa günəş şüalarının dəyməsinə də mane olun.
 
3. Meyvələr
 
Meyvələr dəriyə günəş şüalarının mənfi təsirini azaldır. Qırışmanın qarşısını alır. Təzə meyvə və tərəvəzlər A vitamini ilə zəngin olur. Bu da dəri hüceyrələrinin bərpasına yardımçı olur.
 
4. Omeqa-3 yağ turşuları
 
Omeqa-3 yağ turşuları beyini qoruyur, qocalmasının qarşısını alır və yaddaşı gücləndirir. Bu turşular balıq yağında və dəniz məhsullarında zəngin olur.
 
5. Qəhvə və qazlı içkilərdən imtina
 
Qəhvə və qazlı içkilər dəri, saç və dişlər üçün əsl zəhərdir. Bu cür içkiləri su və ya yaşıl çayla əvəzləsəniz, yaxşıdr.

07:43 27.04.2017