Öz toyu üçün "love story" çəkmək istəyən gənclər çətin duruma düşüblər.

Kanal24.az   azxeber.com-a şikayət edən Tural Əliyev deyir ki, Bakıda "love story" çəkməyə yer tapmır. 

Şikayətçinin sözünə görə, Bakıdakı bütün obyektlər foto çəkməyə görə ondan pul tələb edir: "Mən sevgilimlə "love story" çəkdirmək istəyirəm. Ancaq bu boyda Bakı şəhərində bir yer tapmıram. Dənizkənarında olan obyektlərdə özbaşınalıq hökm sürür. Hara zəng edirəmsə, məndən pul istəyirlər.

Deyirəm ki, gəlim restoranda yemək yeyim, amma siz icazə verin ki, şəkillərimizi çəkək. Məsələn: "Nar Şarab" restoranında buna görə məndən 300 manat, "Amburan"da 100 manat, "Dalğa Beach"də isə 200 manat istədilər. Özü də bu, qanunsuzluqdur, onlar heç buna görə qəbz də vermirlər. Sadəcə, administratorlar bu pulları ciblərinə qoyur".
 
Qeyd edək ki, bu problemlə fotoqraflar da üzləşiblər. Onlara çəkiliş üçün şərait yaradılmır. 
 
Yazıda adıçəkilən məkanların da mövqeyini yayımlamağa hazırıq.