Amerikalı milyarder İlon Mask insan beyni ilə kompüteri birləşdirə biləcək texnologiyaya malik “Neuralink” şirkəti yaradıb.

Bu barədə “Uol Strit Jurnal” qəzeti məlumat yayıb.

Qəzetin məlumatına görə, şirkət insanların kompüterə fiziki təmas olmadan məlumat ötürə biləcək neyron toxumaları texnologiyasını öyrənir.

Yeni texnologiya beyində elektrodların implantasiyasını təklif edir. Bunun sayəsində insanlar öz düşüncələrini kompüterə yükləyə, oradan məlumat götürə bilərlər.