Azərbaycan yığmasının hücumçusu Dmitri Nazarov DÇ-2018-in seçmə mərhələsində Almaniya millisinin qapısından buraxdığı yeganə qolun müəllifi olub.
Bunu Rusiyanın “Layf Sport” saytı yazıb.
“Nazarov 31-ci dəqiqədə Bernd Lenonun qoruduğu qapıdan top keçirərək almanları məyus etdi və hesabı 1:1 etdi. Almaniya millisi Avro-2016-dan bəri ilk dəfə qapısında qol gördü. Bundestimin “quru” seriyası 11 saat çəkdi”, - sayt yazıb.
Sayt Nazarovun Almaniyanın “Karlsrue” klubundakı oyununa diqqət çəkib və bildirib ki, futbolçu almanları daha yaxşı tanıyır.
Qeyd edək ki, DÇ-2018-in seçmə mərhələsində baş tutan Azərbaycan-Almaniya görüşündə qonaqlar 1-4 hesabı ilə qalib gəlib.