Azərbaycan gimnastı Mixail Malkin Bakıda keçirilən batut gimnastikası və tamblinq üzrə FIG Dünya Kubokunda gümüş medala yiyələnib.

M.Malkin tamblinq cığırında final yarışlarında 72.100 balla ikinci olub.

74.600 bal toplayan rusiyalı gimnast Qriqori Noskov fəxri kürsünün ən yüksək pilləsində, Britaniya təmsilçisi Elliot Braun isə üçüncü pillədə (71.900) qərarlaşıb.

Qeyd edək ki, bu gün Bakıda Milli Gimnastika Arenasında batut gimnastikası və tamblinq üzrə FIG Dünya Kubokunun finalları keçirilir. Dünya Kubokunda 15 ölkədən 85 gimnast iştirak edir.