Qüsl zamanı bədənin görünən bütün hissələri su ilə tam islanmalıdır. Bədəndə iynə ucu boyda islanmamış yer qalsa, qüsl batil sayılar. Bədənlə su arasında maneə olmamalıdır.

Ona görə də qüsldən əvvəl suyun bədəni islatmasına mane olan hər şey kənarlaşdırılmalıdır. Əgər sırğa qulağın bir hissəsini örtsə və su ilə dəri arasında maneə olsa, gərək qüsldən əvvəl çıxarılsın. Ya da qüsl zamanı sırğanı hərəkət etdirmək və suyun bütün qulağı islatmasına nail olmaq lazımdır.