ABŞ prezidenti Donald Tramp Mərkəzi Kəşfiyyat İdarəsinin (MKİ) Lenqlidəki mənzil qərargahına baş çəkib.

 “RİA Novosti”nin verdiyi xəbərə görə, Tramp çıxışı zamanı İŞİD terror qruplaşmasının məhv edilməsinin vacibliyini qeyd edib.  

“İŞİD tamamilə məhv edilməlidir, başqa seçimimiz yoxdur... Radikal islam terrorçuluğu yer üzündən silinməlidir”, - deyə Tramp  MKİ əməkdaşları qarşısında çıxışı zamanı bildirib. 

Onun sözlərinə görə, ABŞ terrorla mübarizədə real imkanlardan istifadə etməyib.