KANAL24 ONLINE TV

Alimlər narı SUPERMƏHSUL təyin ediblər

İsveçrə alimləri aşkar ediblər ki, narın tərkibində olan maddə yaşlaşmanı xeyli ləngidir. Alimlər narın tərkibində "ellagitannin" maddələri aşkar ediblər.

Bu maddələr bağırsaqlarda parçalanaraq "urolitin A" maddəsinə çevrilir.

Reuters xəbər verir ki, eksperimentlər zamanı tədqiqatçılar urolitin A maddəsini siçanların orqanizminə yeridirdilər. Nəticədə siçanların yükləmələrə olan davamlılığı 50%-ə yaxın artıb.

Hal hazırda alimlər narın tərkibində olan maddənin əsasında xüsusi qida əlavəsi hazırlayırlar ki, bu yeni preparat yaşlı insanların gücünü və yükləmələrə olan davamlılığını xeyli artıracaq.

Ümumiyyətlə bütün dünya alimləri narın müalicəvi və profilaktik xüsusiyyətlərini çox yüksək qiymətləndirir, narı insan sağlamlığı üçün ən faydalı məhsul, hətta superməhsul hesab edirlər.

 


14:17 12.01.2017