Taylandın cənubunda baş verən daşqınlar nəticəsində ölənlərin sayı 18-ə çatıb.

"RİA Novosoti"yə istinadən xəbər veririk ki, Tayland Daxili İşlər Nazirliyindən bildirilib ki, bir milyona yaxın insan daşqınlardan ziyan çəkib. Minlərlə kənd sel suları altında qalıb.

Hakimiyyət təbii fəlakətin nəticələri ilə mübarizəyə ordunu cəlb edib. Hərbçilər su basmış rayonların əhalisinin təxliyəsində və yardım gətirilməsində iştirak edirlər.