Rus Əhməd – İsmayıl Şıxlının eyniadlı romanının motivləri əsasında çəkilən “Dəli Kür” filmində əsas personajlardan birini-Rus Əhmədi canlandıran Eldar Əliyev təəssüf ki, sənətdə layiqli qiymətini almadı. 

Rus Dram, Musiqili Kоmediya və Leninqrad Dövlət Musiqili Kоmediya Teatrında rejissor kimi tamaşalar hazırlayıb. “Azərbaycanfilm”də çəkilən filmlərdə və Rusiyada istehsalı оlan “Azadlıq şirin sözdür” filmində rəngarəng оbrazlar yaradıb. Eldar Əliyev 1984-cü il fevralın 27-də dünyasını dəyişib.

 

Qazan Xan – “Dədə Qordud” filmində əsas qəhrəmanlarından birini –Qazan xanı canlandıran Həşim Qadoyev ölkəsi Tacikistanda, qismən də, SSRİ miqyasında tanınmış aktyor olub. Lakin Azərbaycan tamaşaçısı üçün onun yaratdığı Qazan xan obrazı çox məşhur olsa da, özü sonradan bizim tamaşaçılar üçün naməlum müəllifə çevrildi. Həşim Qadoyev sonra da Azərbaycanda bir neçə filmə dəvət aldı.

 

 

Sərvər- Cəmi iki filmdə- “O olmasın, bu olsun”, “Görüş”- əsas qəhrəmanları canlandıran Arif Mirzəquliyev Azərbaycan kino tarixində qalmağı bacarsa da,  özü obrazları qədər məşhur olmadı. İxtisasca həkim olan Arif Mirzəquliyev sonradan sənətdən uzaqlaşdı və ömrünün sonuna kimi həkim vəzifəsində çalışdı.

 

Rüstəm - Məşhur “Əhməd haradadır” filminin əsas Əhmədi olan Səyavuş Şəfiyevin kinodakı ən böyük uğuru “Uşaqlığın son gecəsi” filmidir. Bəziləri bəlkə də, Şəfiyevin naməlum müəllif kimi qeyd olunma faktı ilə razılaşmayacaq. Amma sonradan Rusiyaya gedən və potensialını sirk sahəsinə yönəldən Siyavuş Şəfiyev kinodan tamamilə uzaqlaşdı.

 

Yastı Salman- “Böyük dayaq” filmində maraqlı obraz yaradan Firudin Mehdiyev ixtisasca opera müğənnisi olub. Səhnədə bir çox rolları canlandırıb. Kinodakı ən məşhur rolu isə Salmandır. Gözəl səsə sahib, həmçinin, pedaqoji fəaliyyətlə məşğul olan  Firudin Mehdiyev filmdə göstərdiyi yüksək aktyorluq qabiliyyəti ilə hamını təəccübləndirmişdi. Lakin çox təəssüflər olsun, indiki gənc nəsil Salman obrazını  dəfələrlə izləsələr də, Firudin Mehdiyevi tanımır.

 

Qədir- “Ulduz” filminin məşhur anti-qəhrəmanı olan kolxoz sədri Qədiri aktyor Bahadur Əliyev canlandırıb. Təəssüf ki, kinodakı xidmətləri müqabilində aktyor layiqli qiymətini ala bilmədi. O, sıradan, cəmi bir-iki rol oynayaraq, kinodan uzaqlaşan  aktyorlardan deyildi. Hər zaman sənəti naminə ən epizodik rollara belə qane olurdu. Beləcə, irili-xırdalı, 78 filmə çəkildi. Bu gün Bahadır Əliyev çox da xatırlanmır. “Ulduz” filmindəki Qədirin aktyor Bahadırdan daha məşhur olması fikri ilə siz də razılaşarsız.

 

Davud –Yenə də “Uşaqlığın son gecəsi” filminə gəlib çıxdıq. Davud obrazın filmin əsas duzudur, desək, yanılmarıq. “Söhbət bit kilo sosiskada deyil, adam gərək “vnimatelni” ola”, deyən Davudu Məmmədsadıq Nuriyev canlandırıb. Yaını oxuyanlardan bəziləri bu adı bəlkə də, ik dəfə eşidəcəklər. Amma Davudu hamı tanıyır. Məmmədsadıq Nuriyevin ikinci şah əsəri isə birmənalı şəkildə hamının tanıdığı, çoxlarının sevimlisi olan oğlu Yaşar Nuridir. 

 

Maya– “Böyük dayaq” filmindəki Maya bacını, “Ulduz”dakı eyniadlı əsas qəhrəmanı dəfələrlə izləmişik. Həmin iki obrazı canlandıran Tamilla Rüstəmova sonradan Moskvaya gedərək Azərbaycan kinosu ilə vidalaşdı.

 

 

Elmin Nuri