KANAL24 ONLINE TV

Məktəbə gedə bilməyənlər evdə təhsil alacaq

Artıq sağlamlıq imkanlarına görə və ya digər səbəblərə görə fərdi şəkildə təhsil alan şagirdlər də tədris prosesindən geri qalmayacaqlar. Beləki bu qayda ilə təhsil alanlar haqqında qanuna dəyişiklik edilib.

Evdə təhsil alan uşaqların ümumi təhsili distant formada təşkil ediləcək.

Nazirlər Kabinetinin "Formal təhsilin təşkili Qaydaları"nda dəyişiklik edilməsi haqqında" qərarında bir sıra məsələlər öz əksini tapıb.

Beləki Qaydalara əsasən evdə təhsil, fərdi təhsil və sağlamlıq imkanları məhdud uşaqların ümumi təhsili yalnız əyani formada təşkil oluna bilərdi.

Yeni qaydalarda isə evdə təhsil alan sağlamlıq imkanları məhdud uşaqların ümumi təhsilinin formaları sırasına distant forma da daxil edilib.Təhsil ekspertləri isə qaydalara edilən dəyişikliyin müsbət nəticələri olacağını deyirlər.

Distant təhsil tədris prosesinin elektron, proqram-texniki vasitələr əsasında təşkil olunduğu formasıdır. Bütün dünyada geniş yayılan məsafədən təhsil forması unikallığı ilə öz təsdiqini tapıb.Bu sistemlə öyrədən və öyrənən arasında əlaqəni kompüter şəbəkələri vasitəsi ilə uzaq məsafədən həyata keçirir.Və bununlada müəllim və öyrənənin məktəbə getməyə ehtiyacı olmur.


11:32 01.01.2017