"Türkiyə Xarici İşlər Nazirliyi bu məlumatın təxribatyönümlü olduğunu və onun mənbəsinin araşdırıldığını bildirir".

Bunu SalamNews-a açıqlamasında Milli Məclisin deputatı Aydın Mirzəzadə deyib.

Deputat qeyd edib ki, bu mövzuda araşdırmanın nəticəsinə əsaslanıb fikir söyləmək olar. Türkiyə isə Azərbaycanla münasibətlərə həmişə həssaslıqla yanaşıb.

Qeyd edək ki, noyabrın 27-də Türkiyənin "Sözçü" qəzetində Qarabağda və Xocalıda azərbaycanlılara qarşı törədilən qətliamlarda iştirak etmiş Monte Melkonyana abidə ucaldılması ilə bağlı yazı dərc olunub. Yazıda bildirilib ki, Türkiyənin Tunceli bölgəsinin Aşağıdoluca kəndində erməni terrorçularının adını əbədiləşdirən abidə qoyulub. Yazının müəllifi Türkiyənin tanınmış tədqiqatçı jurnalisti və yazıçısı Sayqı Öztürkdür.