Xətai rayonunda çoxmərtəbəli yaşayış binasında yanğın baş verib.
Fövqəladə Hallar Nazirliyindən AZƏRTAC-a bildiriblər ki, hadisə nəticəsində binanın şaxtasında 1-16 mərtəbələrdə 300 poqonometrlik elektrik naqilləri yanıb.
Yanğın zamanı tüstüdən zəhərlənən 7 sakin yanğınsöndürənlər tərəfindən aidiyyəti üzrə təhvil verilib. Dörd nəfər binadan təxliyyə olunub. Mənzillər yanğından mühafizə olunub, alov yanğınsöndürənlər tərəfindən söndürülüb.
Hadisə ilə bağlı müvafiq qurumlar tərəfindən araşdırma aparılır.