2-1 hesabı ilə başa çatan “Dnepr”-“Qarabağ” oyunundan sonra Ağdam təmsilçisinin baş məşqçisi Qurban Qurbanov mətbuat konfransı keçirib. 

“Qafqazinfo” xəbər verir ki, baş məşqçi sona kimi mübarizə aparıldığını dilə gətirib:

“Məğlub olmaq istəməzdik. Hesabı qorumağa çalışdıq. Sona kimi mübarizə apardıq. Səhvlər ucbatından qollar buraxdıq. Uşaqlara iradım yoxdur. Oradakı oyundan sonra demişdik ki, bu qələbəni çox böyütmək lazım deyil. Bu, uşaqlara təsir edə bilərdi”.