KANAL24.AZ
Az Iw En Ru

Azərbaycan Premyer Liqası: lider xal itirdi

   Azərbaycan Premyer Liqasında XXIII tura yekun vurulub.

   Günün son matçı həm də turun mərkəzi görüşü olub. Bakının “İnter” klubu “Qarabağ”ı qəbul edib. Qarşılaşma gərgin mübarizə və qarşılıqlı hücumlar şəraitində keçib.

   İlk hissənin sonuna 3 dəqiqə qalmış Nizami Hacıyevin dəqiq zərbəsi ilə hesabı açan Zaur Şvanadzenin yetirmələri sonradan daha çox hesabı qorumaq üçün mübarizə aparıb. “Qarabağ” oyunu xilas etmək üçün fasiləsiz hücumlar təşkil edib. Bu, oyunun sonuna yaxın öz bəhrəsini verib. Kapitan Rəşad Sadıqov müdafiədən hücuma atılaraq 88-ci dəqiqədə baş zərbəsi ilə topu rəqib qapısından keçirib - 1:1.

   Turun nəticələri turnir cədvəlində əsaslı dəyişiklik yaratmayıb. Diqqət çəkən yeganə məqam çempionatın debütantı “Zirə” klubunun lider “Qarabağ”la arasındakı xal fərqini bir qədər də azaltmasıdır. Hazırda “Qarabağ” 48 xalla liderliyini davam etdirir. “Zirə” 44 xala ikinci, “Qəbələ” 38 xalla üçüncü, “İnter” 35 xalla dördüncü, “Kəpəz” 33 xalla beşinci pillədə qərarlaşıb.


05:16 28.02.2016