Bakıda güclü yağış, şimşək müşahidə edilir.
Səhər saatlarından davam edən yağış yolları iflic edib.
Oxucuların göndərdiyi videolardan aydın olur ki, yağış yollarda ciddi fəsadlar yaradıb. Badamdarda sürüşmə ərazisindən 20-ci sahəyə düşən yol keçid üçün tam bağlanıb.
Ekologiya və Təbii Sərvətlər Nazirliyinin məlumatına görə, soyuq hava şəraiti bu günün sonuna kimi davam edəcək. Həftəsonundan etibarən temperaturun qalxacağı gözlənilir.