Bu gün Milli Məclisin İqtisadi siyasət, sənaye və sahibkarlıq komitəsinin üzvü,  121 saylı Laçın seçki dairəsindən deputat seçilmiş Mahir Abbaszadə parlamentdə seçiciləri ilə növbəti görüşü keçirib.

Deputat təmsil etdiyi dairədə yaşayan seçiciləri ayrı-ayrılıqda qəbul edib. Görüşdə M. Abbaszadə seçicilərini dinləyib, ünvanlanan sualları cavablandırıb. Müraciət edən vətəndaşların  problem və təkliflərini, eyni zamanda zəruri olan sənədləri qəbul edən Mahir Abbaszadə bütün müraciətləri nəzarətdə saxlayacağını və həllinə köməklik göstərəcəyini bildirib. Bir sıra məsələlər isə yerindəcə həll edilib. 

Aidiyyəti orqanlara yönləndirilməsi üçün ərizə və şikayət məktubları götürülüb.

Qeyd edək ki, deputata ünvanlanan müraciətlər arasında əsasən sosial problemlər -mənzil, səhiyyə, torpaq məsələsi, sənədləşmə və s. üstünlük təşkil edib.