Biləsuvar rayon Xırmandalı kəndinin sakini Mirzəli Nuriyevin fermasından 4 inək birdən yoxa çıxıb. İnəklər oğurlandığı üçün Nuriyev rayon polis idarəsinə müraciət edib.
Araşdırma zamanı əməliyyatçılar şübhəlilərin izinə düşüb. Onlar sözügedən rayonun Bəydili və Zəhmədabad kəndlərinin sakinləri Cavad Süleymanov və Əli Bağırovu saxlayıblar.
Onlar istintaq zamanı boyunlarına alıblar ki, oğurladıqları heyvanları Sabunçu rayonunun Maştağa qəsəbəsindəki bazarda 4 min 600 manata satıblar.
Faktla bağlı araşdırma davam edir.