Ukraynanın paytaxtı Kiyevdə Yeni Qüvvələr Hərəkatı Partiyasının sədri Mixail Saakaşvili tərəfdarlarının kütləvi etiraz aksiyaları başlayıb.

Aksiya iştirakçıları Prezident Petro Poroşenkonun istefasını və Ali Radaya yeni seçkilər keçirilməsini tələb edirlər.

Ukrayna Milli Polisinin “Feysbuk” səhifəsində bildirilir ki, hüquq-mühafizə orqanlarının əməkdaşları vəziyyətə nəzarət edirlər. Paytaxt küçələrinə polis və Milli Qvardiyanın ümumilikdə 3 min əməkdaşı çıxarılıb.

Kiyevin mərkəzində, həmçinin, kinoloqlar və partlayıcı maddələr üzrə texniklər növbə çəkirlər.