Milli Məclisin Hesablayıcı komissiyasının tərkibində dəyişiklik edilib.

Milli Məclisin bu gün keçirilən plenar iclasında Parlamentin Hesablayıcı komissiyasının yenidən təşkil edilməsi haqqında qərar verilib.

Qərara əsasən, Milli Məclisin deputatları - Fəttah Heydərov, Qüdrət Həsənquliyev, Rafael Hüseynov, Xanhüseyn Kazımlı, Zahid Oruc, Sədaqət Vəliyeva və Mixail Zabelin Hesablayıcı komissiyanın üzvü seçilib.

Milli Məclisin daxili Nizamnaməsinin 41-ci maddəsinə uyğun olaraq, Ağacan Abıyev, Xanlar Fətiyev, Məlahət İbrahimqızı, Mirkazım Kazımov, Səttar Möhbalıyev, Fazil Mustafa və Kamran Nəbizadə isə İntizam komissiyasının üzvü seçilib.