"Qarabağ"ın Çempionlar Liqasının qrup mərhələsində "Roma"yla səfər matçını stadiondan izləmək istəyən azarkeşlər oyunun biletlərini sabahdan etibarən Ağdam klubunun bazasından ala bilərlər.

Bu barədə məlumatı klubun saytı yayıb. "Köhlən atlar"ın ÇL-in cari mövsümündə son matçını stadiondan canlı izləmək istəyən azarkeşlər həftə içi hər gün, saat 10:00-dan 18:00-a qədər "Qarabağ"ın bazasından matçın biletini ala bilərlər. Biletləri almağa gələnlər özüylə xarici pasport da gətirməlidilər.

Ödənişlər yalnız avroyla həyata keçirilir. Bir biletin qiyməti 40 avrodur.