Rusiya Xarici İşlər naziri Sergey Lavrov Bakı və İrəvana Qarabağ konfliktinin həlli üçün gəlmişdi.

“Mənbənin məlumatına görə, erməni tərəfi Rusiya planı ilə həll prosesinin irəliyə doğru daşınmasına razıdır. Rusiyanın təqdim etdiyi təkliflər Madrid prinsiplərindən müəyyən qədər fərqlənir. İrəvan sadəcə Rusiya tərəfindən torpaqların Azərbaycana qaytarılmasından sonra Azərbaycanın Qarabağla bağlı iddialarının olmayacağına dair zəmanət istəyir. Rusiyanın planında da müstəqillik referendumunun Qarabağa aralıq status verilməsindən sonra keçirilməsi təklif olunur. Bizim mənbələrimiz Azərbaycanın bu planın bir sıra bəndlərinə qarşı çıxdığını bildirir. Bakının etirazları içərisində referendumun keçirilməsi məsələsi də var”, – deyə qəzet yazıb.