Şairin oğlu tanınmış yazıçı, tele-jurnalist Orxan Fikrətoğlu atasının xatirəsini yaşatmaq üçün bir neçə vacib addım atdıqlarını bildirib. Həmin addımlardan biri də şairin adına təsis edilən mükafatdı:

“Fikrət Sadıq adına mükafat təsis etmişik.  Hər il ad günündə-mayın 30-da təqdim edirik. Ötən il burinci mükafatı Qulu ağəsəsə vermişik. İkinci mükafat da həqiqətən Azərbaycan poeziyasına xidmət edən və fikrət Sadıq Aurasında olan şairə veriləcək. Ümumiyyətlə, hər il mayın 30-da bu mükafatı təqdim edərkən dediyim prinsiplərə diqqət edəcəyik. Bununla da onun adını qoruyacağıq. Çalışacağıq ki, Fikrət Sadığın ad Azərbaycan poeziyasında qalsın. Çünki Fikrət Sadıq yaradıcılığını qorumaq Azərbaycan dilinin saflığına xidmət etmək deməkdi. Burada təkcə dilin saflığı yox, həm də ideyanın saflığı da əsasdır. Ola bilər ki, sən bu dildə təmiz danışasan, amma ideyan təmiz, saf olmaz. Fikrət Sadıq da fikrin saflığını, türk beynini qoruyan bir şair idi. Bu mükafatla biz çalışacağıq ki, həmin fikri, həmin beyini və həmin adı saxlayaq”.