Milli Məclisin 2017-ci il payız sessiyasının qanunvericilik işlər planına "Azərbaycan Respublikasının Dövlət bayrağı haqqında", "Azərbaycan Respublikasının Dövlət gerbi haqqında" və "Azərbaycan Respublikasının Dövlət himni haqqında" qanunlara əlavə və dəyişikliklərin edilməsi daxil edilib.

Bu dəyişikliklər nədən ibarət olacaq?

Kanal24 xəbər verir ki, Milli Məclisdən modern.az-a verilən məlumata görə, 1995-ci il noyabrın 12-də qəbul olunan Konstitusiyanın 23-cü maddəsində qeyd edilib ki, “Dövlət rəmzləri haqqında” Konstitusiya qanunu qəbul edilməlidir.

Bununla əlaqədar olaraq, Konstitusiyanın tələbini yerinə yetirmək üçün “Dövlət rəmzləri haqqında” yeni qanun layihəsi hazırlanır.

Yeni qanun layihəsinin hazırlanması istiqamətində parlamentin Dövlət quruculuğu üzrə qanunvericilik şöbəsində iş aparılır.

Yeni qanun layihəsi parlamentin payız sessiyasında müzakirəyə çıxarılacaq.