KANAL24.AZ
Az Iw En Ru

Dondurmanın xeyirləri və zərərləri

İsti yay günlərində insanların əvəzsiz qida vasitəsinə çevrilən dondurma bəzən müxtəlif sualların yaranmasına gətirib çıxarır.

Görəsən dondurmanın insan orqanizminə zərəri varmı? Çox dondurma yesək, ziyan olmaz ki? və s. Bu səbəbdən dondurmanın xeyri və zərərini araşdırmağa çalışdı. Məlum oldu ki, bəzi xırda məsələləri nəzərə almasaq, dondurmanın insana çox xeyri var. Buyurun oxuyun:

1. Dondurmanın tərkibində süddən başqa şəkər, qlikoza, yağ, növündən asılı olaraq, şokolad, kakao, meyvə, fındıq və s. qidalar var ki, bu da insan orqanizminin inkişafına əvəzsiz yardım edir.Bununla yanaşı, dondurma protein, karbohidrat, fosfor, kalsium, maqnezium, həmçinin A, B, C D və E vitanimləri ilə zəngindir.

2. Dondurmada südə nisbətən 3-4 dəfə çox yağ, 12-16% çox protein var. Belə ki, 100 qr dondurmada 135 mqr kalsium, 100 qram süddə isə 115 mqr kalsium var. Həmçinin 100 qram dondurmada 115 mqr fosfor, eyni miqdarda süddə isə 92 mqr fosfor mövcuddur.

3. Dondurma gigiyeniya cəhətdən normal yerdə hazırlanmalıdır. Çünki süd və süd məhsulları mikroorqanizmlərin çoxalması üçün əlverişlidir.

4. Ac halda dondurma yemək iştahanın qarşısını aldığına görə, məsləhətdir ki, dondurma tox halda yeyilsin.

5. Bəzən dondurmanın insan çəkisini artırdığı iddia edilir. Lakin dondurmanın bu baxımdan elə də böyük bir təsiri yoxdur. Müqayisə üçün deyək ki, paxlava, tort kimi şirniyyatlara nisbətdə dondurma daha az kalori miqdarına sahibdir.

6. Dondurmalar iki hissəyə bölmək olar: südlü və buzlu (meyvə dadlı). Ekspertlər südlü dondurmanı məsləhət bilir, buzlu dondurma ilə isə qidalanmağı tövsiyə etmirlər. Çünki buzlu dondurma südlü dondurmaya nisbətdə daha çox kalori dəyərinə malikdir və onun tərkibində boyaq maddələri olur.


00:36 23.08.2017