Çinin Anhoy bölgəsində 2,5 milyon insan təbii fəlakətlərdən əziyyət çəkir.

Çinin dövlət qurumları bölgədə baş verən fırtına, quraqlıq və daşqın kimi təbii fəlakətlərin 285 min hektar ərazidə 2 milyon 485 min insana mənfi təsir etməsi barədə məlumat yayıb.

İl ərzində 13 kənddə və 52 şəhərdə 186 binanı dağıdan, 4 mindən çox binaya zərər vuran təbii fəlakətlər nəticəsində 20 min insan evlərindən didərgin düşüb.

Təbii fəlakətlər bölgəyə təxminən 259 milyon 290 min dollar ziyan vurub.