Emirates aviaşirkətinin rəhbərliyi Amerika prezidenti Donald Trampın sərəncamından sonra ABŞ reyslərində heyətin tərkibini dəyişməli olub.
Bu barədə Khaleej Times aviadaşıyıcının nümayəndəsi məlumat verir.
“ABŞ-ın yeddi dövlətin vətəndaşlarının ölkəyə gəlişinə tələblərindəki son dəyişikliklər bütün sərnişinlərə və heyət üzvlərinə aiddir. Son tələblərə müvafiq olaraq, biz heyətin tərkibində lazımi düzəlişləri etmişik”, - deyə nümayəndə bildirib.
Xatırladaq ki, ABŞ İran, İraq, Liviya, Somali, Sudan, Suriya və Yəmənin vətəndaşlarının ölkəyə girişini məhdudlaşdırıb.