"İraq və Şam İslam Dövləti" (İŞİD) terror təşkilatının yeni mətbuat katibi Əbu Həsən əl Mühacir "Savaşı yeniləyirik" adlı videonun treylerini yayıb.

Video İraqın Nineviya vilayətindəki Mosul şəhərində çəkilib.

İŞİD-in əvvəlki mətbuat katibi Məhəmməd əl Adnani ötən ilin avqustun 30-da Suriyanın Hələb vilayətindəki Əl Bab şəhərində raket zərbəsi nəticəsində məhv olunmuşdu.

45 saniyəlik treylerdə diqqət çəkən məqam İŞİD-in döyüş taktikasındakı yenilikdir. Belə ki, İŞİD ilk dəfə olaraq dronlar vasitəsilə bombardmanlara əl atıb.

Videonun sonlarına yaxın kadrlarda əl qumbarası yüklü uçan pilotsuz aparatın Mosul şəhərinin küçələrindən birində yığışmış iraqlı əsgərləri hədəfə aldığı görünür. Az sonra drondan aşağı qumbara atılır. Partlayışda iraqlı əsgərlər həlak olurlar.

Videodakı dron səsi isə ABŞ-ın  "MQ-9 Reaper" uçan pilotsuz aparatının (UPA) səsidir.

İŞİD belə PUA-lara malik deyil.

Videonu izləmək üçün şəklə klikləyin: